إنشاء موقع رسمي لنادي نهضة بركان سيثمر فارقا كبيراً في تواصل النادي مع جمهوره وتعزيز هويته

 

ماذا تحتاج نهضة بركان من أجل العودة لتوهج؟

هل نهضة بركان قادرة على الفوز بالبطولة؟

هل نهضة بركان انتدبت افضل لاعبين كما يقول بعض الصحفيين؟

استعراض لنتائج الفريق لحد الاَن:

في كأس الكونفدرالية:

نبديو بكأس الكونفدرالية لي لعبنا فيه ضد دادجي البنيني ولي ربحناه ذهاباً وإياباً، ذهاب ربحناه 2-0 والإياب ربحناه ب 5-0، وبنسبة ليا دادجي البنيني ماشي معيار باش نحكموا على الفريق، ولكن واخا هكاك ظهروا شي حوايج زينين خاصني نقولهوم وهما بلي شفنا شي لاعابة بداو ينسجموا مع الفريق كالرياحي وسنتوس البرازيلي، وزيد شفنا بلي بووول فاليري طور مستوى ديالو ويدير ضغط على الخصم، وحتى تمريرات ديالو كتكون صحيحة، بنسبة لدفاع يجيني عسال طوروا المستوى ديالو مقارنة بالعام لي فات، والاًن نمشيو للأمور السلبية هي كالتالي:

-غياب الجمهور وحتى لي حضر مكانش فيه حماس بزاف، خاص الجمهور يدير ضغط على الخصم بتصفار، ماشي تصفق على الخصم...

-بعض لاعابة ماطوروش مستواهوم بحال يوسف ميهري ويوسف زغودي واسامة مليوي وكامارا، هاذو خاصهوم يجتهدوا كثر وكثر...

في البطولة الوطنية:

النهضة الرياضية البركانية لعبات ماتش واحد في البطولة الوطنية وهو ضد الرجاء الرياضي البيضاوي وربحاتو ب 1-0، ولكن كان مازال الرجاء ما تأهل لاعبين ديالها، وباقي لنهضة بركان الأصعب عندها ماتش ضد أولمبيك اَسفي وماتش ضد الجيش الملكي، وشفنا كلنا مستوى الجيش الملكي ضد المريخ السوداني وبلي مستواها تطور بزاف، واولمبيك اَسفي عندها مدرب ممتاز لي هو اًمين كرمة، ومدرب مجرب، ونوليو نجاوبوا على سؤال واش نهضة بركان قادرة تربح البطولة؟

الجواب: نعم ولكن لابد المدرجات تعمار في كل مقابلة ويدير ضغط اي مقابلة لينا هو نهائي بنسبة لينا، وإن شاء الله نرجعوا بنتائج إيجابية ضد اولمبيك اَسفي والجيش الملكي، ومنين نستقبلوا اتحاد طنجة يكون الملعب عامر كامل لحقاش هو مفتاح الفوز في المقابلات، البطولة لي يربحها خاصوا يكون عند نفس طويل جداً، وبنسبة ليا النهضة الرياضية البركانية غير مرشحة للفوز بالبطولة، والمرشح كاين الجيش الملكي والرجاء البيضاوي والوداد البيضاوي، أولا عندهوم نفس طويل وزيد عندهم جمهور يحضر في كل مقابلة، وكما قال الصحفي عادل العماري نهضة بركان لي ما يخليهاش تربح البطولة هو جمهورها يحضر في المقابلات المهمة فقط أو يقدر نقولوا يحضر في المناسبات وصافي فالربع ولا النصف ولا النهائي، وهذاا يرجع بسلب على الفريق لحقا شاي مقابلة للفريق نعتبرها نهائي...

والنهضاوي الحر ولي عند غيرة على الفريق يمشي يدير لاكارط ديالو ديال عام ويمشي يشجع الفريق في كل مقابلة، وعلاش قلت نهضاوي لحقاش نهضة ماشي ديال لبراكنة وصافي بل هي ديال الناظوري والحسيمي والتازي والفاسي والوجدي...، النهضة للجميع اصبح نادي المغاربة فين ما كانوا، نتمناو التوفيق لنهضة الرياضية البركانية في كل المسابقات...