هل نهضة بركان دارت افضل انطلاقة هذا الموسم؟
مقابلة الجيش الملكي ضد نهضة بركان
إيجابيات وسلبيات مقابلة اولمبيك اَسفي ضد نهضة بركان
التعليق على تعيين كريم صبري لمقابلة الجيش الملكي ضد نهضة بركان
اولا: الحديث عن الانطلاقة الجيدة لنهضة بركان هذا الموسم:
هل فعلا نهضة
بركان دارت أفضل انطلاقة أم بحال العام لي فات ربحنا 3 مقابلات وموراها عطيناها
لتعادلات خاصة خارج الديار، والجواب على هاد سؤال غادي يكون بنعم بحال العام لي
فات ولي دار افضل انطلاقة هما الجيش الملكي تخيل فجوج مقابلات قدروا يسجلوا 9
أهداف، 5 ضد المحمدية و4 ضد النادي المكناسي، وتأهلوا لدور المجموعات من دوري
ابطال إفريقيا، وعندهوم هجوم ما يضيعش عكس نهضة بركان لي باقي عندها مشاكل خاصة من
جهة حمزة الموساوي لي ارتكب اخطاء دفاعية فالمقابلة السابقة ضد اًسفي، وزيد عندنا
كرسي احتياط متوسط بحال الزغودي ومليوي باقيين ضعاف خاص يجمعوا راسهوم معانا، وزيد
فاليري لي يمركي هدف وينعس ف 4 ماتشات بصح واخا يتحرك مزيان في مربع العمليات،
بصراحة عندنا حارس عالمي وزيد دايو وعسال ومنعوت مزيانين وزيد حتى سيديبي والبحيري
حتى خيري تطور مستواه، بصح الباقي خاصهوم خدمة كبيرة خاصة الموساوي والزغودي
والمليوي وكامارا....
والمحك الحقيقي
للفريق هو الجيش الملكي يا نجيب راسنا ونكملوا مزيان، يا نخسروا يدخلنا شك
ثانيا: الحديث عن مقابلة الجيش الملكي ضد نهضة بركان:
مقابلة الجيش محك
حقيقي للفريق خاصة بأنه واجه فالبداية فرق عندها مشاكل بحال الرجاء كانت مازال ما
تسجل لاعابة ديالها وعندها مدرب ضعيف، وزيد أولمبيك اًسفي ما قدرتش دير الانتدابات
وعندها المنع، لهذا الرجاء واًسفي ماشي معيار نحكموا بيهوم على الفرقة، هاهي إتحاد
طنجة ضربات ليك الرجاء ب 3-1، واَسفي ربحات المحمدية بصعوبة، وكذلك دادجي البنيني
ماشي معيار نحكموا بيه على الفرقة، لهذا المحك الحقيقي هو الجيش الملكي هنا نشوفوا
مستوانا واش تحسن ولا باقي بحال العام لي فات، لهذا خاصنا ندعموا لاعبين برسائل
تشجيع بصح بدون تطبيل.
ثالثاً: الحديث عن تعيين الحكم كريم صبري لمقابلة الجيش الملكي ضد نهضة بركان:
هذا الحكم عند
سوابق ضد نهضة بركان أولها منين لعبنا ضد الفتح الرباطي حيد لينا جوج أهداف صحيحة،
واحد الهدف سجلوا لينا رضا حجي،ضد نهضة زمامرة حيد لينا جوج ضربات جزاء لي أقرتهوم
مديرية التحكيم والفيديو موجود في الفيديو، وحتى محمد الموجه الخبير التحكيمي أقر
بلي كاين جوج ضربات جزاء لصالح نهضة بركان، وضد يوسفية برشيد بقى يعصب فلاعابة
ويمنح أخطااء مكايناااش ليوسفية برشيد، وهذا غير مقبول، ولابد لمنخرطي نهضة بركان
يديروا بلاغ على تعيين هذا الحكم لمقابلة نهضة، لحقاش هاد الحكم معروف بحقده على
نهضة بركان...
راه ممكن الحكم
يهرسك ويخرج لاعابة على التركيز ديالهوووم....
رابعاً واخيراً: الدعم الجماهيري للفريق:
الفريق محتاج
لجماهيره خاصة في هذه الفترة الحساسة لابد من الدعم لاعبين، سواء في مواقع التواصل
الاجتماعي أو في الواقع من خلال الحضور للملعب، الا بغينا نافسوا على الألقاب خاص
الجماهير يحضروا ويديروا ضغط على المنافس، وبدون الجمهور ما نديروا والو، والبداية
غادي تكون ضد اتحاد طنجة بحول الله تعالى، بغينا البلدي يدوور ويشجع الفريق، وما
بغيناش كل مرة يحل فموا واحد علينا، ما يمكنش لاعاب يتقاتل معاك ومنين يدخل للملعب
يلقى 10 ديال الناس عيب والله...
مهما كانت نتيجة
الجيش الملكي خاص الجمهور يحضر بكثافة من اجل تشجيع فريقنا الغالي نهضة بركان.
تعليقات
إرسال تعليق