البلدي يدور شعار كل عاشق للبرتقالي
موعد مقابلة نهضة بركان ضد حسنية اكادير
الحضور الجماهيري اكثر من واجب
رسالة للجماهير البرتقالية ولادارة نهضة
بركان:
الجماهير
البرتقالية تطلق حملة البلدي يدور، والواجب على اي محب للفريق الحضور لتشجيع الفريق خاصة في هذه الظرفية
الصعبة، وخاص الادارة دير تسهيلات وهي يحيدوا ديك البطاقة الوطنية باش تدخل
للملعب، وكذلك يخفضوا من سعر التذكرة، لأن الجهة الشرقية الجهة رقم واحد في
البطالة، نسبة كبيرة فبركان عاطلة عن العمل، لهذا الادارة تحاول تهود الثمن، راه
الاندية البيضاوية يديرو كولشي باش يفوزو بالألقاب لدرجة 96 في المئة يدخلوا باطل،
عليها تلقى الفريق ديالهم خاصة الوداد الرياضي البيضاوي يطيحوا فالمنع، لحقاش
يدخلهوم فابور باش يديرو الضغط على الخصووم، حنا ماشي نقولوا الادارة تخلي يدخل
بنادم باطل، ولكن حشومة وعيب تحرم واحد الفئة كبيرة من الجمهور خاصة دوك لولاد
صغار بحجة البطاقة الوطنية، واش ممنحقهومش يتفرجوا فلكرة ويتفرجوا ففريقهم الغالي
نهضة بركان، وكيفاش بغيت تغرس فيهوم حب النهضة وانت تحرمهم يدخلوا يتفرجوا، لهذا
بغينا الادارة شي حل مع دوك لولاد صغار.
موعد مقابلة نهضة
بركان ضد الحسنية سيكون يوم السبت المقبل على الساعة 20:00، كولشي باقي ملعوب خاصة
المغرب الفاسي ما بعيداش علينا بزاف فترتيب البطولة الاحترافية، وعارفين بلي فعالم
كرة القدم كولشي يبقى ملعوب...
لهذا خاص الادارة
دير خدمتها وهي تسهيل، وكما قلت لكم الجهة الشرقية تعاني من البطالة والفقر، وخاص
دير شي حل للجمهور العاشق للنهضة.
شي وحدين قاليك بلي نهضة بركان دات بلاصت مولودية وجدة؟
وهاد الكلام قالوه
جماهير الوداد والرجاء تعرفوا علاش لحقاش كانوا يديو على ظهرهم 6 نقط ومكانوش
ينافسهوم نهار يوليو ينافسهوم تبدل هاد الهضرة، نعطيكوم مثال نهار كانت منافسة بين
الرجاء والوداد على لقب البطولة، وحنا كنا
منافسين غير لقب كأس الكونفدرالية وكأس العرش كانوا يقولوا علينا الجماهير
الودادية بلي حنا خوتهوم ووو، نهار ولينا منافسين ليهوم ولاو يتهجموا على الفريق
ديالنا بعبارات غير لائقة، لهذا نقول جماهير الب.وفة والمخ..درات غير مرحب بهم في
مدينة بركان، لحقاش هما ولفوا الالقاب بلحرام، نهار كان سعيد ناصيري رئيس العصبة
كانت البطولة نزيهة، ونهار شد الناصيري مديرية التحكيم كانت البطولة نزيهة؟؟
كما قلت لكم لي
ولف لحرام يجيه لحلال صعيب بزاف...
والغريب في الامر
الوداد الرياضي دارت بلاغ تبكي على العصبة ومديرية التحكيم، ولكن مور هاد البكاء
غادي يكونوا كوارث عظمى، غادي تبقاو تشوفو ضربات جزاء خيالية للوداد، ويقدر يربحوا
الرجاء بشي خطأ تحكيمي، يعني عطيني بينالتيات فابور ولا نبكي، هادكشي لي قريتو
فداك البلاغ ديال الوداد البيضاوي، يا تعطيني بينالتي يا العصبة فاسدة يا كتحاربوا
الوداد.
وهذه الهجمات على
نهضة بركان الهدف من ورائها التشويش على الفريق فقط، وباش يخليو الحكام يظلموا
نهضة بركان، كما وقع ضد الفتح تسجل هدف بطريقة غير شرعية واش هضر شي واحد لا،
لحقاش هدفهم هو ماشي يكون التحكيم نزيه، هدفهم التشويش فقط...
ربحنا الوداد ب 10
لاعابة والحكم كان غادي يحسب بينالتي خيالي للوداد بصح لاعابة ديالنا ضغطوا على
الحكم، ورجع للفار، وتراجع على القرار، وزيد عطى بطاقة حمراء غير مستحقة سانتوس
البرازيلي، ولكن الحمد لله قدرنا نربحو.
وقبل حسب حكم
بينالتي خيالي للوداد ضد المغرب التطواني، شنو قالوا جماهير الوداد بصحتنا، يعني
ماشي هدفهم اصلاح الكرة المغربية، بل يربحوا الالقاب بأي طريقة سواء مشروعة أو غير
مشروعة، عليها تشوف شي جماهير يقولوا مكرهناش يرجع الناصيري يشد الوداد لحقاش
ولفوا لحرام...
هذه القاعدة ديال
الضغط على العصبة والجامعة ومديرية التحكيم باش ندي الالقاب كاينة غير فالمغرب،
تفرج فدوريات الكبرى سواء الدوري الانجليزي الممتاز او الاسباني او الفرنسي او
الايطالي متلقاش كاع هاد العفن، الا فالمغرب خاصة فريق المحور الرجاء والوداد،
كرهوا كرة بهاد التبرهيش والبكااا والشكااا يوميا،ولهذا بهاد العقلية والله ما
تزيد الكرة ديالنا لقدام...
عندك الكرة
المصرية والتونسية والمغربية وليبية والجزائرية يكرهوك بالبكاا والشكا عليها تشوف
الكرة ديالهم تزيد وترجع لور، المغرب المنتخب ديالو منين معظم لاعابة ديالو تكونوا
فاوروبا ما تشوفش داك الاحتجاج بزاف...
لهذا خاص الجماهير
البرتقالية توقف مع الفريق ديالها وتشجعوا، وخاص الادارة دير تسهيلات كبيرة، باش
نكونوا قاعدة جماهيرية كبيرة، لا يمكن انك تفرض عليهوم البطاقة الوطنية وكذلك تيكي
كل مرة تزيد فيه بغيت الملعب يكون عامر...
ياك يهاجموا
النهضة لحقاش ملعبها خاوي وسي رئيس خاصك تعمر الملعب بأي طريقة مخاصكش تكون نية،
وحنا مع نهضة بركان في الضراء قبل السراء.
كرة القدم في
مدينة بركان هو المتنفس الوحيد لساكنة بركان، وحتى للجهة الشرقية، مخاصكومش تقتلوا
الشغف، ببروتوكولات الامنية، يبقى يفتش فيك حتى يكرهك فكرة..
جماهير النهضة
الرياضية البركانية معروف عليهوم بلي من افضل الجماهير المغربية ما دير شغب والو
لا والو، بالعكس تحضر تشجع الفريق وتمشي فحالها.
ونهضة بركان ماشي
براكنة وصافي بل للجميع، لهذا اي واحد بغى يجي يشجع نهضة مرحبا به.
الرد على المشوشين على فريق نهضة بركان:
هادو ماشي غرضهم
يعرفوا منين تجيب نهضة بركان الفلوس؟ بل التشويش فقط وتشويه سمعة الفريق
البرتقالي، وصراحة الف تحية للجماهير النهضاوية وقفات بالمرصاد لهذه الحملات.
اولا منين تجيب
النهضة الفلوس، راه غير العام لي فات وصلات للفينال ودخلات 2.5 ملايير سنتيم كمنحة
من الكاف لحقاش وصلات للفينال ديال كأس الكونفدرالية الافريقية.
ونزيدك نهضة
معندهاش مستشهر واحد عندها 5 المسشتهرين، ولكن شكون تفهم الحيط، هما ماشي غرضهم
معرفة الحقيقة غرضهم تهييج المغاربة علينا واخا بالباطل.
كاين واحد السؤال شكون لي صرف مبالغ خيالية فالانتقالات الصيفية؟؟
الجواب كولشي
عارفو هما فريق الوداد البيضاوي، دار افضل الانتدابات، جاب افضل لاعبين بمبالغ
خيالية جاب لاعابة من الدوري الفرنسي والايطالي والبرازيلي، موراها جاا الجيش
الملكي، ولكن الجيش باع ايكامان بمبلغ كبير، وكذلك الرجاء، الا الوداد دارت
انتدابات اكثر من رائعة بأموال مجهولة المصدر؟؟؟
نهضة بركان دارت
الانتدابات على المقاص جابت هيثم منعوت مكان باعدي، وسانتوس مكان تويسلا، والرياحي
مكان الفحلي، يعني داكشي على المقاص....
عكس الوداد
البيضاوي غيرات فريق بالكامل، وبمبالغ خيالية...
ودائما لي يعادي
فريق نهضة بركان كتكون نهاية ديالو وخيمة والايام بيننا...
البطولة
الاحترافية تحتاج لنفس طويل، ومازلنا فالدورات الاولى، لهذا خاص التركيز ثم
التركيز، وخاص الجماهير البرتقالية تعمر الملعب البلدي، للاسباب التالية:
لاعابة يحسوا بلي
راهم محميين من طرف الجماهير ديالهم
ثانيا باش تكون
لغرينتا فلاعابة ويتقاتلوا معاك
ولكن ماشي تحضر
وتبقى تاكل زريعة خاصك حتى انت تشجع، الا حضرت وبقيت تاكل زريعة بحال محضرتش
وصافي... كل التوفيق لفريقنا النهضة الرياضية البركانية سواء في البطولة أو كأس
العرش أو كأس الكونفدرالية الافريقية.
ولابد من الادارة
دير تسهيلات كبيرة للجماهير البرتقالية خاصة لدوك لولاد الصغار لي يموتوا على نهضة
بركان، وديما نهضة بركان حتى الموت....
انتهى
والسلام عليكم
ورحمة الله وبركاته
مقالة حول النهضة
الرياضية البركانية
تعليقات
إرسال تعليق