إنشاء موقع رسمي لنادي نهضة بركان سيثمر فارقا كبيراً في تواصل النادي مع جمهوره وتعزيز هويته

 نهضة بركان محتاجة لمدافع بمواصفات عبد الحق عسال والمقدم ليس بخيار صحيح

اسامة المليوي مثال للاعب المجتهد ولي يخدم على راسو

نهضة بركان يخوض مباراة ودية ضد الوداد الرياضي البيضاوي استعدادا للموسم المقبل

الجمهور منين ينتقد شي لاعب هاد الانتقاد كيكون في مصلحة لاعب وكذلك في مصلحة الفريق، لأن بالانتقاد البناء كتزيد الفرق لقدام، ومنين نقولوا الانتقاد ما نستثنيو ولا واحد سواء الرئيس أو المدرب أو الجمهور أو لاعابة، بهاد الانتقاد الفرقة كتقاد وتكون فطريق الصحيح، وخير مثال على هادشي لي نقولوا هو اسامة المليوي فالموسم الأول ديالو مع فريق نهضة بركان كان مستواه ضعيف إلى متوسط، وفي الموسم الثاني ديالو مع فريق نهضة بركان لي هو الموسم الماضي بدااا الموسم بمستوى ضعيف تزاد الوزن ديالو وتراجعات الياقة البدنية هادشي لي دفع جمهور نهضة بركان باش ينتقد لاعب لدرجة طالبوا برحيل ديالو عن الفريق فالانتقالات الشتوية، وتواصلات الانتقادات هادشي لي دفع معين الشعباني يستبعد المليوي من المجموعة، واسامة المليوي من هنا بدااا يجتهد وبدا يخدم مع المعد البدني حتى نقص الوزن ديالو وقوى الياقة البدنية وتحسنات العلاقة ديالو مع جمهور نهضة بركان عرف بلي جمهور نهضة بركان باغي ليه الخير وبعد ذلك بدااا يسجل الاهداف ويقدر يكمل 90دقيقة من المباراة.

لهذا الانتقاد حاجة لي مزيانة وأي لاعب شفتوه يتهاون من حقكم تنتقدوه راه ما يلعبش فابور فالفرقة، من لاعبين ليخاصهم يجتهدوا كاين رضا حجي وعماد الرياحي ومحمد المورابيط.... مازال ما شفنا منهوم والو.

بنسبة لموعد مباراة نهضة بركان ضد الوداد الرياضي البيضاوي هذه المباراة غادي تجرى يوم السبت المقبل ان شاء الله مباراة استعدادية للموسم المقبل ان شاء الله.

قوة فريق نهضة بركان تتمثل فصلابة دفاعية ديالو لهذا خاص انتداب مدافع بمواصفات عسال في اقرب وقت لحقاش الفريق مقبل على السوبر الافريقي ضد بيراميدز المصري، ومقبل على مباريات البطولة الاحترافية اينوي لهذا بنسبة ليا انتداب المقدم ليس بخيار الصحيح لحقاش غادي يدير انقسام بين الجماهير ديال نهضة بركان والله اعلم...