قرار منع تنقل جماهير الوداد إلى مدينة بركان
مقابلة نهضة بركان ضد شباب سوالم
أفضل قرار هو هذا، منع تنقل الجماهير
الودادية أنها تنقل لمدينة بركان، والإدارة مغاديش تطبع لهم تذكرة واخا يتنقلوا
فرادى، كمعاملة بالمثل، كما دارو لينا نديروو ليهم.
ولكن مقابلة الوداد تسبقها مقابلة مهمة لنا
بزاف، وهي مقابلة ضد شباب سوالم والانتصار فيها أكثر من مهم، باش يدخلوا لاعابة
لمقابلة الوداد بمعنويات مرتفعة، ولكن لي استغربت ليه هو المقابلة تلعب بلا جمهور
يعني مقابلة شباب سوالم ضد نهضة بركان، غير المقابلة لي فاتت بين شباب المحمدية
والوداد الرياضي البيضاوي تلعبات بالجمهور وتلعبات في ملعب البشير بالمحمدية،
ومقابلة ديال الفتح الرباطي مطبعوا لجمهور نهضة حتى تذكرة للأسف.
يا يخليو كولشي ويكلو يا يخليو كولشي
مقابلات تلعب بالجمهور...
مقابلة ضد شباب سوالم ماشي ساهلة خاصة بأن
ربحناهوم ب 1-0 فالملعب البلدي ببركان والهدف من توقيع عادل تاحيف، خاص لاعابة
يتقاتلوا إلا بغاو 3 نقط، ولابد من ضغط على الخصم من دقيقة الأولى ويكون ضغط عالي،
لحقاش حتى حاجة ما تحسمات باقي كولشي ملعووووب...
الانتصار ضد شباب السوالم وكذلك على الوداد
البيضاوي غادي يعبد لينا طريق باش نديو البطولة إن شاء الله، ولكن لابد من الدعم
الجماهيري الكبير، والفريق بدون الجماهير ديالو ما يدير والووو، الجمهور هو وقود
الفريق باش يتقاتل وينتصر بإذن الله تعالى...
تعليقات
إرسال تعليق