إنشاء موقع رسمي لنادي نهضة بركان سيثمر فارقا كبيراً في تواصل النادي مع جمهوره وتعزيز هويته

 

مطلب جماهيري

الكرة الشعبية لينا كاملين

مدام هناك حيز الوقت، الجماهير النهضاوية تطالب الإدارة بتسهيل التنقل لتنزانيا...

كلنا لتنزانيا: 

الموسم الماضي سي عبد المجيد مضران نظم تنقل الجماعي لعشاق النهضة الرياضية البركانية لمصر فلفينال ضد الزمالك المصري، وحتى هاد الموسم خاص يكون تنظيم جماعي لتنزانيا لحقاش راه فينال ماشي ماتش عادي، بنسبة الجالية هنا نختبروا محبتكم لنهضة واش ديك المحبة حقيقية ولا غير ادعاء وصافي؟ لحقاش المحبة افعال ماشي غير هضرة وصافي، لهذا إن شاء الله نشوفو أكبر تنقل للجماهير النهضاوية لتنزانيا بحول الله تعالى، ولا يشرفنا تشجعنا شي فرقة اخرى كما قالوا شي ناس، قاليك نلبسوا تونيات ديال النهضة لعشاق فريق عزام التنزاني، كأن فريق نهضة بركان معندوش جمهور، وعلاش كديروا لايفات على نهضة بركان وتهضروا عليها الا مكنتوش غادي تنقلوا معاها، الجالية واجب عليكوم تنقل مع فريق نهضة بركان لنهائي، ضد شباب قسنطينة الجزائري عرفنا بلي تأشيرة هي السبب، بصح ضد سيمبا لا عذر لكم، ولي ميسرة عليه فالمغرب حتى هو واجب عليه يتنقل مع الفريق لتنزانيا، عندنا فرقة حاليا خاص غير الخدمة على الجمهور ويحيدوا شوية العكز، كاين تنقل لمكناس من طرف الجماهير النهضاوية وهذا كتمهيد لتنقل لمدينة مراكش من أجل تشجيع فريقنا في منافسات كأس العرش، ولكن التنقل الأهم هذا الموسم هو التنقل لتنزانيا، وهاذوك لي كانوا يديرو فيديوهات فنصف النهائي ضد شباب قسنطينة ويحمسوا الجمهور، مع العلم كان الملعب يعمر بلا دوك الفيديوهات لحقاش راه النصف النهائي بصح غير ركوب على الموجة وصافي، نورمالو دوك الفيديوهات يدارو على التنقل لتنزانيا هذا هو الأهم، المهم بينو لينا الجالية المحبة والعشق لهذا الكيان العظيم لاسمه نهضة بركان

وعاشت النهضة الرياضية البركانية الشعبية 1938